imran khan 45

پنڈورا پیپرز، وزیراعظم نے تحقیقات کیلئے اعلی سطح کا سیل قائم کردیا

اسلام آباد، وزیراعظم عمران خان نے پینڈورا لیکس کی تحقیقات کیلئے اعلی سطح کا سیل قائم کردیا ۔
وزیراعظم کی زیر صدارت پارٹی رہنمائوں کا اجلاس ہوا جس میں وفاقی وزرا اور پارٹی کی سینئر قیادت شریک ہوئی۔ اجلاس میں موجودہ سیاسی صورتحال کا جائزہ لیا گیا اور پینڈورا لیکس کے بعد کی صورتحال پر بھی غور کیا گیا۔ذرائع کے مطابق وفاقی وزرا اور اٹارنی جنرل پر مشتمل کمیٹی نے وزیراعظم کو ابتدائی رپورٹ پیش کی اور پینڈورا پیپرز میں شامل پاکستانی افراد سے متعلق بریفنگ دی۔اجلاس میں پینڈورا پیرز میں شامل پاکستان شہریوں کے خلاف تحقیقات کے حوالے سے تجاویز پر غور کیا گیا جب کہ کامیاب پاکستان پروگرام اور مہنگائی کنٹرول کرنے سے متعلق اقدامات پر بھی بریفنگ دی گئی۔ ذرائع کے مطابق پینڈورا لیکس کی تحقیقات کیلئے وزیراعظم معائنہ کمیشن کے تحت ایک اعلی سطح کا سیل قائم کرنے کا فیصلہ کیا گیا ہے جو پینڈورا لیکس میں شامل تمام افراد سے جواب طلب کرے گا۔ تحقیقات کے بعد معائنہ کمیشن کا سیل حقائق قوم کے سامنے رکھے گا۔وزیراعظم معائنہ کمیشن کے تحقیقاتی سیل کو ایف آئی اے، نیب اور ایف بی آر کی معاونت حاصل ہوگی. معائنہ کمیشن کا سیل آف شور کمپنیوں کے سرمائے کی قانونی حیثیت کی تحقیقات کرے گا۔وزیراعظم نے ہدایت کی کہ پینڈورا پیپرز میں سامنے آنے والے پاکستانیوں سے مکمل تحقیقات کی جائیں، قومی دولت ملک سے باہر لے جانے والے کسی رعایت کے مستحق نہیں، تحریک انصاف کی حکومت بلاامتیاز احتساب پر یقین رکھتی ہے۔دوسری طرف وفاقی وزیر اطلاعات فواد چوہدری نے اپنے ایک ٹویٹر پیغام میں کہا کہ پنڈورا لیکس کی تحقیقات کیلئے وزیر اعظم نے انسپکشن کمیشن کے تحت ایک اعلی سطحی سیل قائم کیا ہے،یہ سیل پنڈورا لیکس میں شامل تمام افراد سے جواب طلبی کرے گااور حقائق قوم کے سامنے رکھیں جائینگے۔

اس خبر پر اپنی رائے کا اظہار کریں

رائے کا اظہار کریں