پاکستان میں اچانک گرمی، معاملہ کیا ہے؟

ملک بھر میں ماضی کی نسبت اس بار گرمی نے اچانک ہی انٹری دے دی ہے ۔ موسم میں اس اچانک تبدیلی کی وجہ محکمہ موسمیات نے ہوا دباؤ بڑھ جانا بتایا ہے۔ اسلام آباد کے موسم کے حوالے سے انہوں نے بتایا کہ اگلے چند روز تک موسم گرم اور خشک رہے گا اور درجہ حرارت معمول سے زیادہ ہو گا۔ جمعے تک موسم ایسا ہی رہنے کا امکان ہے جبکہ اسی روز شام کے وقت آندھی چلنے کا امکان ہے جس سے موسم میں بہتری آئے گی۔
محکمہ موسمیات کی جانب سے جو ہدایات جاری کی گئی ہے اس کے مطابق ملک کے زیادہ تر علاقوں میں ہفتہ بھر درجہ حرارت میں اضافے کا امکان ہے۔
محکمہ موسمیات کے مطابق شمالی بلوچستان ، بالائی سندھ، جنوبی پنجاب، کشمیر اور ملحقہ علاقوں میں دن کا درجہ حرارت 09 سے10 ڈگری سینٹی گریڈ معمول سے زیادہ رہنے کا امکان ہے۔ اسلام آباد، بالائی اوروسطی پنجاب، خیبرپختونخوا ، گلگت بلتستان، زیریں سندھ اور جنوبی بلوچستان میں دن کا درجہ حرارت 07 سے 08 ڈگری سینٹی گریڈ معمول سے زیادہ رہنے کا امکان ہے۔ محکمہ موسمیات نے یہ بھی بتایا ہے کہ یہ حالیہ لہرانسانوں، جانوروں اور فصلوں کو پر اثرانداز ہو سکتی ہے اور فصلوں کو پانی کی کمی کا خدشہ ہو سکتا ہے۔ اس لیے کسان موسمی حالات کے پیش نظر فصلوں کے لیے پانی کا انتظام کر لیں۔
محکمے کا یہ بھی کہنا ہے کہ ’سندھ اور جنوبی پنجاب میں گندم کی قبل از وقت کٹائی کا آغاز بھی ہو سکتا ہے۔ ایڈوائزری کے مطابق غیر معمولی درجہ حرارت کے باعث اسلام آباد اور لاہور میں پولن کی مقدار میں اضافہ متوقع ہے۔ لوگ سورج کی روشنی سے بچاؤ کے لیے احتیاطی تدابیر اختیار کریں۔اس کے علاوہ شمالی بلوچستان، جنوبی پنجاب اور بالائی سندھ میں بعد دوپہر تیزگرد آلود ہوائیں چلنے کی بھی توقع ہے۔