اسلام آباد (سب نیوز)رواں سال اسلام آباد پولیس میں ریکارڈ پرموشنیں،آئی جی اسلام آباد نے 20ہیڈ کنسٹیبلز کو اے ایس آئی کے عہدوں پر ترقی کی منظوری دیدی۔
ترجمان وفاقی پولیس کے مطابق آئی جی اسلام آباد سید علی ناصر رضوی نے رواں سال 1016افسران کو اگلے عہدوں پر ترقی دی،رواں سال 10ڈی ایس پیز کو ایس پی کے عہدوں پر ترقی دی گئی،27انسپکٹرز کو ڈی ایس پی، 94 سب انسپکٹرز کو انسپکٹر کے عہدے پر ترقی دی گئی،189اے ایس آئی کی سب انسپکٹر، 306 ہیڈکنسٹیبلز کی اے ایس آئی کے عہدے پر ترقی ہوئی، 350کنسٹیبلز کو ہیڈ کانسٹیبل اور 40کلیریکل سٹاف کی بھی اگلے عہدوں پر ترقی ہوئی۔
آئی جی اسلام آباد نے کہا کہ ترقیوں کا یہ سلسلہ جاری رکھا جائے،جس افسر کی ترقی کا حق ہے اس کو فوری پرموٹ کیا جائے گا،اسلام آباد پولیس کے افسران دن رات عوام کی خدمت پر مامور ہیں، ان افسران کی قربانیوں کی بدولت عوام سکون کی نیند سوتی ہے۔
