ماسکو: روسی وزارت خارجہ کی ترجمان ماریا زخارووا نے ایک معمول کی پریس کانفرنس میں کہا کہ جاپان نے تائیوان کے مشرق میں تقریباً 110 کلومیٹر دور واقع ایک جزیرے پر میزائلوں کی تعیناتی کی ہے۔ روس ، جاپانی حکومت کی جانب سے دوبارہ عسکری سازی کے عمل کے دوران دیے جانے والے بیانات اور اقدامات پر گہری نظر رکھے ہوئے ہے،
روس نے کسی بھی بہانے اور کسی بھی شکل میں امریکی میڈیم رینج میزائلوں کی تعیناتی کے خلاف کئی بار سفارتی چینلز کے ذریعے جاپان کو انتباہ جاری کیا ہے۔ زخارووا نے کہا کہ اس قسم کے فوجی اقدامات خطے کی سلامتی کے تناؤ کو مزید بڑھاتے ہیں اور ہمسایہ ممالک کے لیے سنگین خطرہ ہیں۔ زخارووا نے یہ بھی کہا کہ جاپانی وزیر اعظم سانائے تاکائیچی کے “جوہری عدم پھیلاؤ کے تین اصولوں” میں ممکنہ ترمیم کے بارے میں بیانات اشتعال انگیز ہیں۔ “اگر وہ اس سمت میں عملی اقدامات اٹھاتی ہیں، تو یہ عالمی سٹریٹجک سلامتی کے تحفظ پر ناقابل تصور اور سنگین اثرات مرتب کرے گا”۔
