جدہ(خالد نواز چیمہ)وزیر اعلیٰ پنجاب مریم نواز شریف کی قائم کردہ اسکلز ڈیولپمنٹ ٹاسک فورس کے چیئرمین عدنان افضل چٹھہ کی سعودی عرب میں اہم ملاقاتیں ،پاکستان قونصلیٹ جدہ کے ڈپٹی قونصل جنرل غلام حسین اورسنیر افسران عبداللہ گھمن بھی ساتھ تھے ۔
پاکستانی ورک فورس اور وزیر آباد کے ترقیاتی منصوبوں کے لیے بڑی پیش رفت ،ایم پی اے عدنان افضل چٹھہ نے ریاض، دمام اور جدہ میں سعودی حکام اور بڑی کمپنیوں کے نمائندوں سے اہم ملاقاتیں کیں، جن میں پاکستانی ہنرمند لیبر کی بڑھتی ہوئی طلب، اسکلز ٹریننگ کے جدید مراحل اور مستقبل کے روزگار کے منصوبوں پر تفصیلی گفتگو ہوئی۔
جدہ میں حافظ افضل طور اور خالد نواز چیمہ سے گفتگو کرتے ہوئے انہوں نے بتایا کہ سعودی ادارے مختلف شعبوں میں ہزاروں پاکستانی ورکرز کی بھرتی میں سنجیدہ دلچسپی رکھتے ہیں، اور اسکلز ڈیولپمنٹ ٹاسک فورس بہت جلد نئے معاہدوں کا اعلان کرے گی۔
ضلع وزیر آباد کے ترقیاتی منصوبوں پر بھی اہم گفتگوعدنان افضل چٹھہ نے ملاقاتوں میں وزیر آباد میں جاری ترقیاتی منصوبوں—بشمول انفراسٹرکچر، عوامی سہولیات اور روزگار کی فراہمی—کے بارے میں بریفنگ دیتے ہوئے کہا کہ یہ منصوبے علاقے کی معاشی اور سماجی بہتری کا سنگِ میل ثابت ہوں گے۔اوورسیز پاکستانی—حکومت کی اولین ترجیحانہوں نے اس بات پر زور دیا کہ اوورسیز پاکستانی وطن کا قیمتی سرمایہ ہیں۔انہوں نے کہا کہ اوورسیز پاکستانی ہمارے دل کے بہت قریب ہیں۔ ان کے مسائل کا حل اور سہولتوں کی فراہمی حکومت پنجاب کی اولین ترجیح ہے۔”یہ ملاقاتیں پاکستانی ورک فورس کے لیے نئے روزگار، مضبوط شراکت داری اور وزیر آباد کی ترقی کے لیے نئے مواقع کا اہم آغاز ثابت ہو رہی ہیں۔
