تحریک لبیک پاکستان کے کارکنوں پر تشدد ناقابل برداشت ہے، مولانا فضل الرحمان کا سخت ردعمل

اسلام آباد (سب نیوز)جے یو آئی ف کے سربراہ مولانا فضل الرحمان نے تحریک لبیک پاکستان کے مظاہرین کے خلاف آپریشن پر سخت رد عمل دیتے ہوئے کہا ہے کہ تحریک لبیک پاکستان کے کارکنوں کے خلاف ریاستی تشدد پر سخت تشویش ہے، اپنے مطالبات کے حق میں احتجاج کرنا ہر شہری کا بنیادی حق ہے۔
مولانا فضل الرحمان نے کہا کہ تحریک لبیک پاکستان کے احتجاج پر وحشیانہ تشدد کی سخت مذمت کرتے ہیں، حکومت سنجیدہ ہوتی تو مظاہرین سے مذاکرات کرکہ مسئلہ حل کر سکتی تھی، تحریک لبیک پاکستان کے کارکنوں پر تشدد ناقابل برداشت ہے،ہم تحریک لبیک پاکستان کی قیادت، علما اور کارکنوں کے ساتھ مکمل اظہار یکجہتی کرتے ہیں۔