اسلام آباد (تبسم حسین ہارونی) سالانہ بڑا عرس مبارک بیاد غوث المعظم رہبرِ اعظم طریقتِ نسبتِ رسولی صلی اللہ علیہ و آلہ وسلم اعلٰحضرت الحاج پیر نظیر احمد سرکارِ موہڑوی رح اور تاجدارِ موہڑہ شریف شیر شاہ غازی اعلٰحضرت الحاج پیر ہارون الرّشید رح کی محافل ان شاء اللہ 13، 14، 15 جون بروز جمعہ، ہفتہ، اتوار مرکزی دربارِ عالیہ موہڑہ شریف مری میں انعقاد پذیر ہوں گی۔
سالانہ عرس مبارک کی ان محافل میں اندرونِ اور بیرونِ ملک سے زائرین کی کثیر تعداد شرکت کرے گی۔13 جون بروز جمعتہ المبارک عرس مبارک کی محافل کا آغاز ہو گا جبکہ 15 جون مجلسِ کبریٰ شریف میں تلاوتِ قرآنِ پاک، اورادِ نظیریہ اور نعت خوانی کے بعد سجادہ نشین مرکزی دربارِ عالیہ موہڑہ شریف اعلٰحضرت الحاج پیر ڈاکٹر غلام محمد گوہر نظیر گوہر جمال الملک روح پرور خطاب فرمائیں گے محفل کے اختتام پر پیر صاحب روحانی اور جسمانی بیماریوں سے نجات اور دورِ حاضر میں امتِ مسلمہ کو درپیش مسائل اور مشکلات کے حل کے لئے اللہ ربّ العزت کی بارگاہ میں خصوصی دعا فرمائینگے۔ لاکھوں کے اجتماع میں اجتماعی طور پر دعا کرنا دعا کی اہمیت اور فضیلت میں مزید اضافہ کرتا ہے۔ دعا کے بعد زائرین کے لئیے لنگر کا اہتمام ہو گا
