امریکی شکایت پر صارم برنی کراچی ایئرپورٹ پر گرفتار

کراچی:امریکی انتظامیہ کی جانب سے انسانی اسمگلنگ کا الزام عائد کیے جانے کے بعد معروف سماجی شخصیت صارم برنی کو گرفتار کر لیا گیا۔
میڈیا رپورٹس کے مطابق صارم برنی کو اس وقت گرفتار کیا گیا جب کہ امریکا سے کراچی پہنچے تھے، ایف آئی اے حکام کے مطابق صارم برنی کی گرفتاری امریکی حکام کی جانب سے انسانی اسمگلنگ میں ملوث ہونے کے الزام کے بعد عمل میں آئی ہے۔
صارم برنی کو کراچی ایئرپورٹ سے حراست میں لیا گیا ہے، وہ امریکا کے دورے کے بعد کراچی پہنچے تھے۔ ایف آئی اے کے مطابق صارم برنی کو ایف آئی اے اینٹی ٹریفکنگ اینڈ ہیومن اسمگلنگ نے حراست میں لیا ہے۔