Thursday, March 28, 2024
ہومپاکستانجماعت اسلامی نے پی ایم ڈی اے آرڈیننس کو صحافت کا گلہ گھونٹنے کے مترادف قرار دیا

جماعت اسلامی نے پی ایم ڈی اے آرڈیننس کو صحافت کا گلہ گھونٹنے کے مترادف قرار دیا

اسلام آبا د،نائب امیر جماعت اسلامی پاکستان وسابق ممبر قومی اسمبلی میاں محمد اسلم نے پاکستان میڈیا ڈویلپمنٹ اتھارٹی آرڈیننس کو مسترد کر تے ہو ئے اسے آزادی صحا فت کا گلہ گھونٹنے کے مترادف قرار دیا ہے۔
انھوں نے کہا کہ میڈیا کی حقیقی معنوں میں آزادی کے بغیرپائیدار جمہوریت کا تصور ممکن نہیں ،پاکستان میں اس طرح کے ہتھکنڈوں سے میڈیا اور صحا فیوں کو کنٹرول کرنے کی منصوبہ بندی ملکی آئین قانون اور میڈیا کی آزاد ی کے صریحا خلاف ہے ، جماعت اسلامی پاکستان میں میڈیا کے حقوق کی علمبردار ہے اور اس حوالے سے ہمارے ممبران پارلیمنٹ نے کئی بل بھی پیش کیے۔ میاں محمد اسلم نے کہا پاکستان میڈیا ڈویلپمنٹ اتھارٹی آرڈیننس پرنٹ ، الیکٹرانک اور سوشل میڈیا کی آئینی آزادی کو دبانے کے لیے ایک ڈریکونین ،آمرانہ ، جابرانہ قانون ہے ، جماعت اسلامی کسی بھی قیمت پرمیڈ یا کے آئینی حقوق غصب کرنے کی اجازت نہیں دے سکتی ، انھوں نے حکو مت سے مظالبہ کیا کہ وہ اس کالے قانون پر مبنی بل کو فوری طور پر واپس لے ۔