Friday, March 29, 2024
ہومتازہ ترینذبیح اللہ مجاہد کی والدہ کے تعزیتی اجتماع میں دھماکا، 2 افراد جاں بحق

ذبیح اللہ مجاہد کی والدہ کے تعزیتی اجتماع میں دھماکا، 2 افراد جاں بحق

کابل(آئی پی ایس )امارت اسلامیہ افغانستان کے دارالخلافہ کی ایک عید گاہ پر زوردار دھماکا ہوا ہے جس میں 2 افراد جاں بحق اور 3 زخمی ہوگئے۔ افغانستان کے دارالحکومت کابل میں ایک عید گاہ پر زوردار دھماکا ہوا ہے جس کے بعد فائرنگ کی آوازیں بھی سنی گئی ہیں۔ دھماکے میں طالبان قیادت محفوظ رہی۔ الجزیرہ کے مطابق دھماکا جس عید گاہ کے مرکزی دروازے پر ہوا وہاں نائب وزیر اطلاعات ذبیح اللہ مجاہد کی والدہ کے ایصال ثواب کے لیے اجتماع کا انعقاد کیا گیا تھا۔ تاحال کسی گروپ نے حملے کی ذمہ داری قبول نہیں کی ہے تاہم طالبان کے اقتدار سنبھالنے کے بعد سے ہونے والے ہر خودکش حملے یا بم دھماکوں کی ذمہ داری داعش خراسان نے قبول کی ہے۔ طالبان کے ترجمان کی جانب سے بھی عید گاہ پر دھماکے کی تصدیق کرتے ہوئے کہا گیا ہے کہ حملے میں 2 شہری جاں بحق اور 3 زخمی ہوگئے۔