Thursday, March 28, 2024
ہومتازہ ترینچینی فوجیوں کے ہاتھوں بھارتی سورمائوں کی مرمت کی تصاویر جاری ، انڈین پروپیگنڈہ بے نقاب

چینی فوجیوں کے ہاتھوں بھارتی سورمائوں کی مرمت کی تصاویر جاری ، انڈین پروپیگنڈہ بے نقاب

اسلام آباد، گلوان ویلی میں چین کے ہاتھوں بھارت کو بری طرح ہزیمت کا سامنا ، چین نے بھارتی فوجیوں کی درگت اور سرنڈر کرنے کی تصاویر جاری کر دیں ، بھارتی میڈیا کا بے بنیاد پروپیگنڈہ اور فتح کے جھوٹے دعوے بے نقاب ہو گئے ، تصاویر میں بھارتی فوجیوں کو سوجے منہ، پھوٹی آنکھوں، پھٹے سروں کے ساتھ چینی فوجیوں کے آگے کمہار کے سدھائے گدھوں کی طرح لائن میں لگے دیکھا جا سکتا ہے۔
تفصیلات کے مطابق بھارت کے مشہور ایکٹر سنی دیول کا ڈائیلاگ ہے کہ ڈھائی کلو کا ہاتھ جب کسی کو پڑتا ہے تو وہ اٹھتا نہیں اٹھ جاتا ہے ،ایسا ہی کچھ بھارتی فوجیوں کے ساتھ دیکھنے میں آیا ،چین نے 2020 میں گلوان ویلی میں پائو پائو کے نکے نکے گھونسے مار مار کر بھارتی فوجیوں کی آنکھیںکانی کر دی ،کئی گھونسے کھا کھا کر دریا برد ہو گئے جن کی لاشیں نہ مل سکی، باقی چین کی پیپلز لبریشن آرمی کے سامنے سرنڈر کر گئے ،بھارت کا ابھی یہ غم تازہ تھا کہ 100سے زائدپیپلز لبریشن آرمی کے جوانوں نے 55 گھوڑوں سمیت گذشتہ ماہ بھارت کی ریاست اترکھنڈ کے علاقے بارہوتی کے مقام پر سرحد عبور کی اور 5کلومیٹر اندر گھس کر سیر کرتے رہے ، واپس جانے سے قبل ایک پل سمیت انفراسٹرکچر تباہ کیا اور واپس چلے گئے ،بھارت کی سرحدیں تضحیک آمیز انداز میں بار بار روندھی جا رہی تھیں اور بھارت بے بس تھا اور بھارتی عوام بھارتی فوج اور حکومت کے خلاف بپھری ہوئی تھی کہ478196 کروڑ انڈین روپے کا بجٹ کھانے والی بھارتی آرمی ہر جگہ پِٹ رہی ہے ،بھارت ہمیشہ ہر جگہ شکست کھا کر ایک فلم بناتا ہے جس میں اکیلا ہیرو ہی ایک بڑی فوج کو شکست دیکر بھارت کو سورما ڈکلیر کرتا ہے ،لیکن فوری فلم بن نہیں سکتی تھی چنانچہ بھارتی عوام کو فتح کی خوش خبری دینے کے لیے بھارتی میڈیا کو چنا گیا جو کہ فیک سٹوریز کے حوالے سے خاصی شہرت رکھتا ہے ،بھارتی میڈیا نے بھارتی فوج کی شکست کو فتح میں بدل دیا اور چیخ چیخ کر پروگرام کرنے شروع کئے کہ گلوان ویلی میں چین کو بری طرح ہزیمت کا سامنا کرنا پڑا ،ہماری سینا نے وہ ید لڑا کے چین کو منہ کی کھانی پڑی ،لیکن سامنے چین تھا ،اس نے فوری طور پر گلوان ویلی میں بھارتی آرمی کی ایک بڑی تعداد کے سرنڈر کی تصاویر سوشل میڈیا پہ جاری کیںجس میں ہندوستانی آرمی کی ایک بڑی تعداد مار کھا کھا کر سوجے منہ، پھوٹی آنکھوں، پھٹے سروں کے ساتھ چینی فوجیوں کے سائے میں یوں لائن میں لگے چل رہے تھے جیسے کمہار کے سدھائے ہوے گدھے ہوں،بھارتی فوجیوں کے تضحیک آمیز سرنڈر کی تصاویر سامنے آتے ہی سوشل میڈیا پہ طوفان برپا ہو گیا بھارتیوں نے جوابی طور پہ اپنی پنجابی فلم کے سین کاٹ کے تصاویر پوسٹ کی جس میں چرن سنگھ، تامل فلموں کے کسی ایکٹر کی پٹائی کر رہا ہے ،بھیا کیا تھا سین ہی نیا فلما لیتے ،لداخ کے کسی چپٹی ناک اور گورے رنگ والے مقامی ایکٹر کو لیکر ایک چھوٹا سا کلپ بنا لیتے ، جب آپ نے فتح ہی فلموں میں پانی ہے تو ڈھنگ کے کلپ بنا حقیقت کا رنگ بھرنے کے لیے بھارتی فوج کو بھارتی فلموں میں کاسٹ کرنا شروع کر دوورنہ حقیقت میں تو آپ کے فوجی جس ملک کا بھی رخ کرتے ہیں منہ کی کھانا پڑتی ہے، جیسے کہ ابھینندن تو آپ کو یاد ہی ہوگا۔