Friday, March 29, 2024
ہومکالم وبلاگزبلاگز‏سر جھکانے کی نہ کر بات کوہستانی ہوں میں

‏سر جھکانے کی نہ کر بات کوہستانی ہوں میں

تحریر : عبدالمتین
@PrinceMateenK
آج کل ایک شعر کوہستانیوں میں بڑا مشہور ہوگیا ہے اور ہر بڑے فخر سے اپنے سے منسوب کررہا ہے ۔۔
افسوس اس بات کا ہے کہ کوئی پوچھے ان نوجوانوں سے کہ کہاں کہاں آپ نے سر اٹھا کہ کون کون سے کارنامے سرانجام دیئے ہیں
کوئی پوچھے ان سے کہ ہماری ناک کے نیچے واپڈا نے ہماری زندگی اجیرن کردی ہے کک اور مزدور تک باہر سے رکھا ہے اور آپ نے جب بھی بات کی ہے تو آپ کو ایک نوکری اور ایک گاڑی لگا کر سر جھکانے کا حکم دیا ہے ۔۔۔۔۔
آپکی تعلیم کی حالت آپ کے سامنے ہے پورے صوبےاور ملک میں آپ تعلیمی لحاظ سے آخری نمبر پہ ہے ۔۔۔۔۔آپ کے سکولوں میں بھی اب بھی آدھے اساتذہ غیر حاضر ہیں ۔۔۔انکی باریاں لگی ہوئی ہیں ۔۔۔۔۔آپکے بچوں کا مسقبل تباہ ہے ۔۔۔لیکن۔۔۔۔سر جھکانے کی نہ بات کیونکہ کوہستانی ہوں میں ۔۔۔۔
آپکی صحت کی حالت تو آپ جانتے ہی ہوں گے آپکے اکثر بی ایچ یوز میں میڈیکل آفیسر نہیں ہے ۔۔۔۔ کوئی ایلایچ وی نہیں ۔۔۔۔ زچگی کیس میں ہماری مائیں بہنیں تڑپ تڑپ کہ مرتی ہیں یا گاڑیوں میں تڑپ تڑپ کر بچے جنتی ہیں ۔۔۔ ۔لیکن سر جھکانے کی نہ کر بات کیونکہ کوہستانی ہوں میں ۔۔۔۔
آپکی سڑکیں آپ کے پل آپکی واٹر سپلائی آپکے راستے صدائیں دیتی ہیں کہ کیوں سر جھکاےبیٹھے ہو آواز اٹھاو۔۔۔۔لڑو۔۔۔مرو لیکن ہمارا یہ ہے جناب ۔۔۔۔۔۔سر جھکانے کی نہ کر بات بابا کوہستانی ہوں میں ۔۔۔۔۔۔۔
ہاں ایک جگہ ہمارا سر نہیں جھکتا ۔۔۔۔۔
نقل کرتے سر نہیں جھکتا ۔۔۔۔اب تو ہمارا نام پورے پاکستان مشہور ہوا ۔۔۔سر اٹھا کہ دوسرےکی جگہ بیٹھے ۔۔۔۔پھر سر اٹھا کہ جیل گئے اور پھر سر اٹھاکر رہا ہوئے ۔۔۔۔۔۔
پہلے سر اٹھا کہ ہم کوہستان ممیں نقل مارتے تھے ۔۔۔اور بڑے فخر سے سر اٹھا کہ نقل کی پرزیاں بازار میں اٹھائے ہم کہتے تھے ۔۔۔ ۔سر جھکانے کی نہ کر بات کوہستانی ہوں میں ۔۔۔۔
حسد بغض میں سر ہمارا کوئی جھکانےوالا نہیں ۔۔۔۔۔ایک دوسرے کی ٹانگ کھینچنے میں سر ہمارا جھکتا نہیں ۔۔۔۔۔۔
الزام تراشیوں ، تنقید اور دشمنیوں میں سر ہمارا جھکتا نہیں ۔۔۔۔۔۔
اب بتا میرے کوہستانی بھائی
کہاں کہاں ہم نے
کس دور میں ظلمت سے بغاوت کی ہے ۔۔۔۔۔