46

گوگل کا پاکستانی سیلاب متاثرین کیلئے 5لاکھ ڈالر امداد دینے کا اعلان

دنیا بھر میں سب سے زیادہ استعمال کیے جانے والے سرچ انجن گوگل کی جانب سے پاکستانی سیلاب متاثرین کے لیے 5 لاکھ ڈالر امداد دینے کا اعلان کیا گیا ہے۔
میڈیا رپورٹ کے مطابق گوگل ملازمین نے بھی پاکستانی سیلاب متاثرین کے لیے 7 کروڑ 20 لاکھ روپے کے عطیات دیے ہیں۔دوسری جانب گوگل جنوبی ایشیا کی نائب صدر اسٹیفنی ڈیوس نے اپنے ایک بیان میں کہا ہے کہ پاکستان میں سیلاب سے متاثرہ ہر فرد سے گہری ہمدردی ہے، پاکستان کے سیلاب متاثرین کو 11 کروڑ روپے کے عطیات دیے جائیں گے۔
اسٹیفنی ڈیوس نے کہا ہے کہ پاکستان میں سب کو سیلاب متاثرین کی مدد کے لیے آگے بڑھتے دیکھا، ہم پاکستانیوں کے جذبے سے متاثر ہوئے ہیں اور ہم بھی مدد کرنا چاہتے ہیں۔اسٹیفنی ڈیوس کا کہنا ہے کہ گوگل کمپنی دیگر وسائل سے بھی پاکستانی سیلاب متاثرین کی مدد کرے گی۔

اس خبر پر اپنی رائے کا اظہار کریں

رائے کا اظہار کریں