Friday, March 29, 2024
ہومپاکستانہنجروال سے اغوا ہونیوالی چاروں بچیاں بازیاب

ہنجروال سے اغوا ہونیوالی چاروں بچیاں بازیاب

لاہور،ہنجروال سے لاپتا ہونے والی چاروں بچیاں مل گئیں۔تفصیلات کے مطابق لاہور کے علاقے ہنجروال سے تین روز قبل لاپتا ہونے والی چاروں بچیاں مل گئیں۔پولیس کے مطابق چاروں بچیاںساہیوال سے ملی ہیں اور لاہور پولیس کے اہلکار انہیں لینے کے لیے ساہیوال روانہ ہو گئے ہیں۔ذرائع کے مطابق بچیوں کا کہنا ہے کہ انہیں کسی نے اغوا نہیں کیا تھا بلکہ انہوں نے والدین کی ڈانٹ کے ڈر سے اپنا موبائل بند کر دیا تھا، جیسے ہی بچیوں میں سے ایک کے پاس موجود موبائل آن ہوا تو پولیس نے لوکیشن کے ذریعے پتہ لگا لیا کہ بچیاں ساہیوال میں ہیں۔خیال رہے کہ ہنجروال میں 30 جولائی کی رات ایک ہی گلی کے 2 گھروں سے دو، دو کم عمر بہنیں اچانک لاپتا ہو گئی تھیں۔تھانہ ہنجروال میں درج ایف آئی آر کے مطابق مدعی عرفان کی بیٹیاں 10 سالہ انعم اور 11 سالہ کنیزہ ہمسائے اکرم کی بیٹیوں 14 سالہ عائشہ اور 8 سالہ ثمرین کے ہمراہ میٹرو ٹرین کی سیرکے لیے گھر سے نکلیں، پھر واپس نہیں آئیں۔واضح رہے کہ گزشتہ روز وزیراعلی پنجاب عثمان بزدار نے ہنجروال سے 4 لڑکیو ں کے اغوا کے واقعہ کا نوٹس لیا تھا جس کے بعد پولیس حرکت میں آگئی اور معاملے کو جلد منطقی انجام تک پہنچا دیا۔