chairman cda 29

چیئرمین سی ڈی اے کاعلی پور فراش میں کم لاگت ہائوسنگ منصوبے کا دورہ

اسلام آباد،چیئرمین سی ڈی اے نے ڈی جی ایف ڈبلیو او کے ہمراہ اسلام آباد کے علاقے علی پور فراش میں کم لاگت ہائوسنگ منصوبے کا دورہ کیا، اس منصوبے پر چیئرمین سی ڈی اے نے این اے ایف، ایچ ڈی اے اور ایف ڈبلیو او کے تعاون سے جاری تعمیراتی کاموں کا معائنہ کیا
چیئرمین سی ڈی اے کو بریفننگ کے دوران بتایا گیا کہ کم آمدنی والے شہریوں کے لیے ان فلیٹس کی تعمیر کے لیے کام شروع ہو چکا ہے، اس منصوبے کے تحت کل 2400 فلیٹس تعمیر کیے جا رہے ہیں، جس میں سے 400 فلیٹس کچی آبادیوں کے رہائشیوں کی بحالی کے لیے مختص کیے گئے ہیںمزیدبرآں 26 بلاکس کی کھدائی کی گئی ہے جبکہ 2 بلاکس میں بیڑا تیار کیا گیا ہے اور 16 بلاکس کے لیے کالموں کے لیے سٹیل کیج تیار کیا گیا ہے۔ علاوہ ازیں مرکزی شاہراہ کے لیے کام تیزی سے جاری ہے، جبکہ 60 فیصد سے زائد سائٹ کی دیوار پہلے ہی مکمل ہو چکی ہے۔ چیئرمین سی ڈی اے نے منصوبے کی رفتار پر اطمینان کا اظہار کرتے ہوئے امید ظاہر کی کہ کام کی رفتار مزید تیز ہو گی اور منصوبہ مقررہ وقت میں مکمل ہو جائے گا۔ منصوبے کی جلد تکمیل کے لیے ایک جامع لاجسٹک پلان تیار کیا گیا ہے۔ یہ بھی بتایا گیا کہ فی الحال 1000 ورک فورس تعینات ہے اور جلد ہی یہ تعداد بڑھ کر 3000 سے 4000 ورک فورس تک پہنچ جائے گی جو نہ صرف منصوبے کو بروقت مکمل کرنے میں مدد دے گی بلکہ روزگار کے مواقع بھی پیدا کرے گی۔ تعمیراتی مواد کے معیار کو جانچنے کے لیے منصوص کے اندر سائٹ پر لیبارٹری قائم کی گئی ہے، جو نہ صرف تعمیر میں استعمال ہونے والے مواد کی جانچ میں مدد دے گی بلکہ وقت کی بھی بچت کرے گی اس سے قبل چیئرمین سی ڈی اے اور ڈی جی ایف ڈبلیو او نے منصوبے کے گرین ایریا کو بڑھانے کے لیے سائٹ پر ایک درخت بھی لگایا۔

اس خبر پر اپنی رائے کا اظہار کریں

رائے کا اظہار کریں