Friday, March 29, 2024
ہومپاکستاننوازشریف نے ریاست کو اہمیت دی، عمران پیروں کے گھر گیا پیرنی لے آیا: کیپٹن صفدر

نوازشریف نے ریاست کو اہمیت دی، عمران پیروں کے گھر گیا پیرنی لے آیا: کیپٹن صفدر

مسلم لیگ (ن)کے رہنما کیپٹن (ر)صفدر نے کہا ہے کہ نواز شریف نے ہمیشہ سیاست سے زیادہ ریاست کو اہمیت دی لیکن عمران خان پیروں کے گھر گیا اور پیرنی لے کر آگیا۔
لاہورکے علاقے شام نگر کی یوسی 73 میں ورکرز کنونشن سیخطاب کرتے ہوئے کیپٹن ریٹائرڈ صفدر نے کہا ہے کہ کارکنوں کو مریم نواز کی آمد سے امید کی کرن نظر آ رہی ہے۔
انہوں نے کہا کہ نواز شریف نے ہمیشہ سیاست سے زیادہ ریاست کو اہمیت دی ، آج کل خبریں آ رہی ہیں کہ فلاں پیر عمران خان کے ساتھ مل گیا جب کہ عمران خان پیروں کے گھر گیا اور پیرنی لے کر آگیا۔انہوں نے مزید کہا کہ یہ پیر عمران خان سے یہ کیوں نہیں پوچھتے کہ چھ کلمے آتے ہیں یا نہیں ۔