ابوظہبی، اجمان ٹائٹنز کے لیفٹ آرم پےسر وسیم اکرم نے رائل چیمپس کے خلاف شاندار کارکردگی کا مظاہرہ کرتے ہوئے صرف دو اوورز میں 2/7 کے شاندار اعداد و شمار حاصل کیے اور اپنی ٹیم کو شیخ زاید اسٹیڈیم میں سات وکٹوں سے فتح دلوائی۔میچ شیخ زاید اسٹیڈیم میں کھیلا گیا۔30 سالہ وسیم اکرم، 30 سالہ وسیم اکرم، جو پاکستان کے لیجنڈری فاسٹ بولر وسیم اکرم کے نام سے موسوم ہیں، نے اس بڑے نام کے ساتھ آنے والے دباؤ اور اعزاز کا اعتراف کیا۔
انہوں نے کہا کہ میرے والد ابھی بھی کرکٹ کھیلتے ہیں اور وہ وسیم اکرم کے بڑے فین تھے، اسی لیے انہوں نے میرا نام رکھا۔ یہ ایک بوجھ ضرور ہے کیونکہ یہ بہت بڑا نام ہے، لیکن میں کوشش کرتا ہوں کہ اس نام کا اچھا خیال رکھوں۔وسیم اکرم نے بتایا کہ انہیں اپنے نام کے اصل مالک سے ملاقات کا موقع بھی ملا اور انہوں نے ان سے قیمتی ٹپس حاصل کیں۔ میں خوش قسمت ہوں کہ میں نے ان سے ملاقات کی اور ان سے ٹپس حاصل کیں۔ میں ان کی ویڈیوز بھی دیکھتا ہوں اور ان کی بولنگ کا مطالعہ کرتا ہوں۔ٹائٹنز کی ٹیم کی کامیابی کے سفر پر بات کرتے ہوئے، جس میں ابتدائی دو میچز میں شکست کے بعد ٹیم نے اگلے دو میچز میں فتح حاصل کی، وسیم اکرم نے درست ٹیم کمپوزیشن کی اہمیت پر زور دیا اورکہا کہ میرا خیال ہے کہ ہم نے ابتدائی چند میچز کے بعد اپنی صحیح کمپوزیشن تلاش کر لی، اور نتیجہ بہترین آیا۔ ہم اب میچ جیت رہے ہیں اور اگر ہم اسی طرح جاری رکھیں تو مزید میچ جیت سکتے ہیں۔
