عمران خان کے ایکس اکاؤنٹ بند کرنے کی درخواست میں جیل سپریڈنٹ کا اہم جواب سامنے آگیا

راولپنڈی ،بانی پی ٹی آئی کا ایکس اکاؤنٹ بند کرنے کی درخواست میں بڑی پیش رفت ،عمران خان کے ایکس اکاؤنٹ بند کرنے کی درخواست میں جیل سپریڈنٹ کا اہم جواب سامنے آگیا ۔
سپریڈنٹ جیل کے مطابق بانی کی جیل سے ہدایات نے ماضی میں کئی مواقع پر معاشرت میں تشدد کو ہوا دی ،
سپریڈنٹ اڈیالہ جیل نے بانی کے ایکس اکاؤنٹ کی جیل سے آپریٹ ہونے کی تردید کر دی ۔
سپریڈنٹ جیل کے مطابق بانی پی ٹی آئی جیل میں سخت سرویلنس میں ہیں ،
بانی اور ان پر تعینات اسٹاف کو مستقل سرچ کیا جاتا ہے ، بانی کے پاس موبائل سمیت کوئی ممنوعہ چیز موجود نہیں ،
سپریڈنٹ جیل کے مطابق موبائل سمیت کسی ممنوعہ چیز کی جیل رولز کے تحت اجازت نہیں ، اڈیالہ جیل کے اندر موبائل فون سگنلز جیمر نصب ہیں ،
جیل کے اندر اور جیل کے باہر ملحقہ ایریا میں موبائل سگنلز بند ہوتے ہیں ، جیل رول 265 قیدی بانی پی ٹی آئی کو سیاسی گفتگو سے روکتا ہے ،
جیل ٹرائل کے دوران بانی سے اس کی فیملی ، وکلا ملاقات کرتے ہیں ،
سپریڈنٹ جیل کے مطابق قانون کی خلاف ورزی کرتے ہوئے وہ قیدی بانی کے ساتھ سیاسی بحث مباحثے کرتے ہیں ،
سپریڈنٹ جیل کے مطابق بانی پی ٹی آئی کا ایکس اکاؤنٹ جیل سے نہیں چلایا جا رہا ، بانی کا ایکس اکاؤنٹ جیل کے باہر سے ہی کوئی آپریٹ کر رہا ہے ،
موبائل اور انٹرنیٹ کی سہولت جیل کے اندر بانی کو دستیاب نہیں ،
بانی کو صرف جیل رولز یا عدالتی احکامات کے مطابق سہولیات میسر ہیں ،