وفاق صوبوں پر حملہ آور ،ستائیسویں ترمیم آئین و پارلیمنٹ کی روح کے منافی ہے،بیرسٹرگوہر

اسلام آباد (سب نیوز)چیئرمین پی ٹی آئی بیرسٹر گوہر نے 27ویں ترمیم کی شدید مخالفت کرتے ہوئے کہا کہ پاکستان کی سالمیت کو خطرے میں نہ ڈالیں ، ستائیسویں ترمیم آئین اور پارلیمنٹ کی روح کے منافی ہے ، بعض لوگوں کو پاور دیں گے تو وفاق خطرے میں آئیگا، ملکی سالمیت اور عدلیہ کو مزید داو پر نہ لگائیں ۔
چیئرمین پاکستان تحریک انصاف بیرسٹر گوہر نے کہاہے کہ 27ویں ترمیم سے متعلق ہم سے رابطہ ہوا نہ مسودہ شیئر ہوا، حکومت ہم سے مسودہ شیئرکرنے کی ضرورت بھی نہیں سمجھتی، جب ترمیم پارلیمنٹ میں آئی تو دیکھیں گے، ان کی ترامیم لے اور دے کا کھیل ہوتی ہیں، 26ویں ترامیم میں بھی انکی ترامیم زیادہ تھی آخرمیں 4پراختلافات سامنے آئے، ابھی بھی یہ ترمیم کی شقیں زیادہ رکھیں گے لیکن آخر میں ایک دو پر آئیں گے۔انہوں نے کہا کہ اس طریقے سے کبھی پارلیمان میں ترامیم نہیں لائی جاتیں، ہم اسمبلی اجلاس میں بھرپور احتجاج کریں گے، ہم اپنی پالیسی پر قائم ہیں، کمیٹیوں سے بائیکاٹ کریں گے، پہلے بھی 26 ویں ترمیم رات کے اندھیرے میں لائی گئی تھی، پہلے عدلیہ کو داو پر لگایا گیا ،اب وفاق کو داو پر لگایا جارہا ہے ، ہم چاہتے ہیں کہ سیاسی درجہ حرارت کم ہو، ہمارے ساتھ حکومت نے کوئی رابطہ نہیں کیا ۔
انہوں نے کہا کہ پورے ملک میں گونج ہے ،وفاق صوبوں پر حملہ آور ہونے لگا ہے ، ایوان میں موجودلوگوں کے پاس جعلی مینڈیٹ ہے ، آئین میں ترمیم عام بات نہیں، قوم کی ضرورت کے مطابق ترامیم ہوتی ہیں، امریکا میں قانون کی عملداری ہے،اس لئے مضبوبط ہے، 26 ویں ترمیم میں جوترامیم باقی رہ گئیں،انہیں پورا کرنے جا رہے ہیں، وفاق کو خطرے کا سامنے ہے،ایوان میں آواز بلند کریں گے، پاکستان کی سالمیت کو خطرے میں نہ ڈالیں، عوام انتشار کا سامنا کررہے ہیں۔